Os mais de 112.200 ocupados na provincia de Ourense que reflicte a EPA do cuarto trimestre de 2019, supoñen unha taxa de ocupación do 61,3% con respecto ao total da poboación entre 16 e 65 anos; de forma que aínda que interanualmente existe un incremento no número de ocupados de 100 persoas, estes incrementan en case 0,75 puntos o seu peso relativo na poboación en idade de traballar. En termos comparativos con Galicia a diferencia sitúase 3,48 puntos por baixo da taxa media do conxunto de Galicia.

Por xéneros a taxa de ocupación respecto a poboación entre 16 e 65 anos dos homes sitúase na provincia no 62,75%, 3 puntos por riba da das mulleres (59,75%).