A 1 de xaneiro de 2019 o 76,74 % dos habitantes na provincia de Ourense teñen nacido nesta provincia, unha porcentaxe que sigue a decrecer (seis décimas menos que no ano anterior) e que é inferior ao que este grupo representa no conxunto de Galicia (79,16%). Pola contra a porcentaxe de nacidos no estranxeiro, no caso da nosa provincia, sitúase no 11,44% o maior de Galicia (que no conxunto sitúase no 8,67%) e mostra ás claras a incidencia que teñen os emigrantes retornados.